𝗗𝗶𝘀𝘆𝗲𝗺𝗯𝗿𝗲 𝟵: 𝗧𝗵𝗲 𝗠𝗮𝗻𝗶𝗹𝗮 𝗛𝗼𝘁𝗲𝗹
Ginawarang muli ng 2024 DILG Seal of Good Local Governance ang LGU ng Cauayan City! Tinanggap ni Mayor Jaycee Dy ang award kasama ng ating City Officials ngayong hapon sa Tent City ng Manila Hotel.
Matapos ang assessment ng 1,715 local government units sa bansa, kabilang ang Cauayan City sa mga ganap na nakamit ang all-in standards ng Seal. Ang Lungsod ng Cauayan ay pinagkalooban ng karangalang ito para sa patuloy na pagtataguyod ng kanyang kahanga-hangang performance at malakas na commitment sa mga mithiin ng tema ng DILG ngayong taon na “Isang Dekada ng Pagkilala sa Tapat at Mahusay na Pamamahala”. At para din sa pagsisikap ng LGU Cauayan na magkaroon ng matatag, ligtas at maunlad na kinabukasan para sa lahat.
Bilang SGLG passer, binigyan ng Incentive Fund ang LGU Cauayan para gamitin sa mga pambansang programa.
#CauayanCity #proudcauayeño #UnaKaDito #2024SGLGAwardee #2024SGLG #DILG